|
имом Аҳмад Абдуллоҳ ибн Амр йўлидан ва Саҳл ибн Абу Хосма йўлидан ривоят қилган.
Шунинг учун аёл киши эрини ёмон кўрганлиги туфайли у билан яшашни истамаса, эр эса у билан яшашни истаб турган бўлса, бундай ҳолда эр ўзи берган маҳрни аёлидан қайтариб олишга ҳақлидир.
Аллоҳ Таолонинг
إِلاَّ أَن يَخَافَا أَلاَّ يُقِيمَا حُدُودَ اللّهِ
(Фақат эр-хотин Аллоҳ буюрган (оилавий турмуш борасидаги) қонун-қоидаларни адо қила олмасликларидан қўрқсаларгина (дурустдир)), деган гапида ҳар иккиси ҳам тилга олиняпти-ку, бу гап фақат аёлгагина қаратилмаяпти-ку, дейилиши мумкин. Бунга жавоб шуки, аёлнинг эрни ёқтирмаслиги, ундан нафратланиши, унга итоат қилмаслиги бориб-бориб эрга ҳам таъсир қилади. Натижада ҳар иккисининг Аллоҳнинг ҳадларига риоя қила олмай қолишлари хавфи туғилади. Аллоҳ Таолонинг
إِلاَّ أَن يَخَافَا
(қўрқсаларгина), деган гапи шу ҳолатга тушиб қолишлари маъносида. Яъни, аёл эрни ёқтирмаслиги, эрни истамаслиги натижасида эр-хотин Аллоҳнинг ҳадларига риоя қила олмайдиган аҳволга тушиб қолмасинлар. Шу билан Аллоҳ Таолонинг
إِلاَّ أَن يَخَافَا أَلاَّ يُقِيمَا حُدُودَ اللّهِ
деган гапи билан эр билан яшамасликни хоҳлаш аёл томонидан бўлаётгани ўртасида ҳеч қандай зиддият йўқдир.
Тўғри, аёл киши эрини ёқтирмаслиги натижасида эр-хотин Аллоҳнинг ҳадларига риоя қила олмасликлари хавфи туғилган пайтда аёлнинг эрдан ажралишни талаб қилишига рухсат этилган.
Лекин бу дегани бўлар-бўлмасга эрдан ажралишни талаб қилавериш дегани эмас. Агар Аллоҳнинг ҳадларига риоя этолмай қолиш хавфи туғилмайдиган бўлса, бесабаб ажралишни талаб қилиш ҳаром.
إِلاَّ أَن يَخَافَا أَلاَّ يُقِيمَا حُدُودَ اللّهِ
Пайғамбар с.а.в. айтган мана бу гап худди шундай аёллар ҳақида:
«إِنَّ الْمُخْتَلِعَاتَ الْمُنْتَزِعَاتَ هُنَّ الْمُنَافِقَاتِ»
«Мухталиа мунтазиалар мунофиқалардир».30 (Мухталиа – эридан ажралишни, хулъни талаб қилган аёл. Мунтазиа – эридан ажраган, узилган аёл). Бу ҳадисни Уқба ибн Омир Жуҳаний ривоят қилган.
(30) Насоий: 3407. Дуррул Мансур: 2/676. Тафсири Табарий: 2/467.
43-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232